Disa thonë se nëse nuk do ishte mundësia që të konkurrosh në Eurovizion, Festivali i fundvitit në RTSH do kishte shumë më pak ndjekës dhe konkurrues.
Por ndërsa këto ditë ka nisur ky festival, në mediat sociale po flitet shumë për praninë në skenë të “Serialit”.
Po kush është ai?
“Seriali” është një personazh social, nga ata që bëhen të famshëm pa ndonjë arsye, i cili pretendon se këndon, madje ka dalë edhe në emisione televizive.
Në rastin e RTSH, në skenë nuk u ngjit “Seriali”, por një imitues i tij, një aktor humori, çka e bën akoma më të çuditshme situatën.
Por në rrjetet sociale ka kritikua për gjuhën e përdorur nga ai në një aktivitet kaq familjar.
Në statutin e RTSH thuhet: “RTSH përgatit programe cilësore e me vlera për pasurimin e botës mendore dhe shpirtërore të njerëzve”.
Më poshtë është dialogu mes prezantuesit Pandi Laço dhe “Serialit”.
Pandi Laço: Nuk mund të këndosh në këtë skenë, se këtu zgjidhet këngëtari që shkon në Eurovizion.
Seriali: Pse të mos shkoj unë, përderisa ka shkuar Konçita? Edhe ajo naçu si ne është. Me rob shpie, do shkoj unë.
Pandi Laço: Këto fjalë, për të respektuar këtë publik dhe ata që na ndjekin, nuk duhet t’i përdorësh.
Seriali: Nuk i them më, me rob shpie.
(Ai nis e këndon këngën e tij)
Pando Laço: Unë nuk e di se çfarë do të bësh ti në këtë skenë, por po të them një gjë.
Seriali: Urdhëro.
Pandi Laço: Me rob shpie do të të kap me shkelma. Ik tashti.
Seriali: Hajde Kozeta ime. Të du fort me rob shpie.