Kryetari i LDK-së në Prizren Haxhi Avdyli,ka ftuar qytetarët që kanë informacione për vrasjet e pasluftës, t’i denoncojnë në organet e drejtësisë. Sipas tij, vrasësit e pasluftës,sot bëjnë biznese.
“Në përvjetorin e vrasjes makabre, përulemi me respektin më të madh për veprën e Kolonel Tahir Zemës”, shkruan Avdyli në Facebook,transmeton PrizrenPress.
“Poashtu në përvjetor të vrasjes duhet t’i brej ndërgjegjja organet e drejtësisë që po bëjnë sehir dhe tërë këto vite po mbyllin sytë para vrasësve”.
“Këta vrasës që sot enden me kollare e xhipa rrugëve, organet shtetërore duhet t’i gjejnë dhe duhet të mbyllin në burg , e ata nga burgu të bëjnë analiza e denoncim të skeçeve humoristike”.
“Si veteran i UÇK -së them që vetëm me burgosjen e këtyre atentatorëve të vëllezerve tanë, pastrohet lufta e pastër çlirimtare”.
“ Vetëm me largimin e uzurpatorëve të lirisë , lufta e jonë e përbashkët për liri merr vlerë”.
“Me vrasës të pasluftës në emër të UÇK tonë, e sot bëjnë biznes të pazbuluar, ju po njollosni shumë ma sheme luftën tonë”.
“Prandaj ju që dini e heshtni, dilni flisni denonconi vrasësit”.
“Vetëm ashtu pastroni luftën tonë për liri”.
“E mos merrni me humoristë, por merrni guximin burrëror e thuani emrat e vrasësve të Ahmet Krasniqi, Enver Malokut , Xhemajl Mustafës , Tahir Zemës , e shumë emra patriotësh të vrarë që na rëndojnë në ndërgjegjen tonë kombëtare”.
“Koha ishte dje, por edhe sot s’është vonë për t’u treguar burrë. Për hir të pastërtisë të luftës çlirimtare”.
“Për hir të jetimëve që u rritën pa prindër, denonconi vrasësit”./PrizrenPress.com/