Këngëtari legjendar, David Bowie, ka vdekur pas një beteje të gjatë me kancerin. Ai ishte 69 vjeç.
Lajmi është dhënë në faqen e tij zyrtare të Facebook dhe është konfirmuar nga Revista Rolling Stone.
“David Bowie ka vdekur paqësisht sot, i rrethuar nga familja e tij, pas një beteje 18 muajshe me kancerin”, thuhet në deklaratë.
Bowie ishte një nga zërat më origjinalë të rock & roll’it për pesë dekada.
I lindur më 8 janar 1947, ai u shfaq në vitet gjashtëdhjetë si një nga zërat më të fuqishëm të gjeneratës së tij. Në çdo album, sillte pjesë të gjenialitetit të tij.
Hitet e ti “Space Oddity”, “Changes”, “Fame”, “Heroes”, “Let’s Dance” dhe “Where Are We Now?”, mes tjerash, janë të pavdekshme dhe ndikimi i tij në botën e muzikës ishte i pamatshëm.
Bowie gjithashtu ka gëzuar një karrierë të gjatë si një aktor, me role të paharrueshme në “The Man Who Fell to Earth”, “Labyrinth”, “The Hunger, Twin Peaks: Fire Walk With Me” dhe “The Prestige”.
Dy ditë para vdekjes, ai ka publikuar albumin më të ri “Blackstar”.