Kryetari i Prizrenit Ramadan Muja ka marrë pjesë në zbulimin e shtatores së heroit kombëtar Isa Boletini në Sarajë të Maqedonisë.
Ai është shoqëruar nga zv. kryeministri i Republikës së Maqedonisë Musa Xhaferi, kryetari i BDI-së, Ali Ahmeti.
“Përurimi i shtatores së heroit Isa Boletini në Shkup, është një e arritur e madhe dhe një stimul për shqiptarët e Maqedonisë, që me përkushtim edhe më të madh të angazhohen për realizimin edhe të synimeve tjera”, ka thënë Muja.
“ Vendosja e shtatores së Isës në Shkup është për çdo lëvdatë dhe do të ndikojë në bashkimin e faktorit shqiptar në Maqedoni, si dhe do të jetë një moment kyç që shqiptarët të bashkuar të ecin përpara drejt realizimit të aspiratave mbarëkombëtare”,ka thënë Muja.
Në emër të familjarëve të Isa Boletinit, ka folur Gazmend Boletini.
“ Jam të nderuar me këtë akt që edhe në Sarajë po përurohet shtatorja e heroit të kombit”, ka thënë ai./PrizrenPress.com/ .