Asambleja Parlamentare e Këshillit të Evropës ka miratuar të enjtën Rezolutën për Kosovën, në të cilën nuk u përfshi asnjë propozim i palës kosovare, ndërsa kaluan të katër propozimamendamentet e Serbisë.
Ky është një prej argumenteve të radhës se Kosova me lidershipin që ka po e humb mbështetjen evropiane, karshi Serbisë, e cila vazhdimisht po e fiton mbështetjen evropiane, madje edhe me gjithë shantazhet që po ia bën Kosovës.
Propozimamendamentet e Serbisë që kaluan në Rezolutën për Kosovën kanë të bëjnë me respektimin e të gjitha marrëveshjeve të arritura në Bruksel, veçanërisht asaj për themelimin e Asociacionit të komunave me shumicë serbe; rritjen e kapaciteteve të UNMIK-ut për ta forcuar bashkëpunimin me INTERPOL-in dhe EUROPOL-in; lehtësimin e hetimit dhe ndjekjen penale të krimeve të luftës; si dhe mbrojtjen e trashëgimisë kulturore, veçanërisht asaj të komuniteteve joshumicë.
Me 110 vota pro, dy abstenime dhe asnjë kundër, Asambleja Parlamentare e Këshillit të Evropës ka miratuar Rezolutën me titull “Situata në Kosovë dhe roli i Këshillit të Evropës”, e përpiluar nga deputeti spanjoll Agustin Conde. /KosovaLive