Policia e Kosovës njofton se ka konfiskuar disa lloje të armëve dhe municion në Suharekë dhe Rahovec.
Gjatë bastisjes se shtëpisë së një të dyshuarit në fshatin Dubravë të Suharekës, i është gjetur dhe konfiskuar një automatik AK-47 dhe një karikator. Me urdhër të prokurorit i dyshuari pas intervistimit është dërguar në mbajtje, raporton PrizrenPress.
Ndërsa, një pistoletë e tipit TT me shtatë fishekë të kalibrit 7.62mm është gjetur dhe konfiskuar në një restorant në qytetin e Rahovecit. I dyshuari është intervistuar dhe me vendim të prokurorit i njëjti është liruar në procedurë të rregullt.
Edhe në fshatin Hoqë e Madhe të Rahovecit është konfiskuar një pushkë gjuetie. /PrizrenPress.com