Ekipi i Filmit Shok, regjisori Jamie Donougjue dhe producenti Eshref Durmishi, janë nisur për në Los Angeles, për promovimin e filmit kosovar të nominuar për Oscar.
Paraprakisht, ata kanë qëndruar në Londër, ku kanë takuar Ambasadorin e Kosovës atje, Lirim Greiçevcin.
“Duke i përcjellë nga Londra për në Los Angeles, te fushëbeteja kryesore artistike, regjisorin Jamie Donoughue dhe producentin Eshref Durmishi, të filmit Shok, të nominuar për çmimin Oscar, për herë të parë në historinë e filmit kosovar”.
“Pa marrë parasysh rezultatin e votimit më 28 shkurt, filmi tashmë ka fituar zemrat e gjithë shqiptarëve si dhe ka sensibilizuar vëmendjen e botës, duke përçuar historinë më të re të Kosovës në ekranet botërore”.
“Filmi ka vetëdijesuar edhe institucionet e Kosovës për fuqinë e ndikimit të filmit, artit dhe kulturës, duke ndarë 70 mijë euro për promovimit e filmit Shok Short Film ?#?Oscars ?#?Inspiration”, ka shkruar Ambasadori Greiçevci në llogarinë e tij në Facebook. /Politiko.net