Opozita e bashkuar e përbërë prej subjekteve politike në Prizren nga Lëvizja Vetëvendosje!, Bashkimi Demokratik, Aleanca për Ardhmërinë e Kosovës dhe Nisma për Kosovën, dje, kanë mbajtur tubim me qytetarë në fshatin Atmaxhë.
Deputetë të Parlamentit të Kosovës, asambleistë të Komunës së Prizrenit, anëtarë të kryesive të partive politike të opozitës folën për organizimin e protestës së 17 shkurtit.
Ata theksuan në veçanti se kjo qeveri më shumë po i shërben strukturave të Serbisë sesa qytetarëve të saj. Duke i sjellë agjendat e tyre në Kosovë dhe duke jetësuar qëllimet e Serbisë, qeveria e Kosovës po dëshiron që ta krijoj një Bosnje të re në Ballkan.
Përfaqësuesit e opozitës të përbërë nga Arbër Rexhaj dhe Driton Çaushi nga Vetëvendosje!, Zafir Berisha nga Bashkimi Demokratik, Naim Qelaj nga Aleanca për Ardhmërinë e Kosovës dhe Sinan Aliaj nga Nisma për Kosovën ftuan qytetarët e Atmaxhës që të marrin pjesë në protestë. /PrizrenPress.com