Pas mesnate, rreth orës 02:45 minuta, në rrugën “Ukë Bytyqi në Prizren, një patrullë policore e ka ndaluar një automjet të llojit Golf 5 në të cilin ndodheshin dy persona.
Siç bën të ditur Policia, gjatë kontrollit të dokumentacionit policët kanë vërejt sjellje të dyshimta të personave të ndaluar gjë që ka nxitur dyshime për një kontroll të automjetit. Dhe, nën ulësen e pasagjerit është gjetur një kallashnikov me 19 fishekë, raporton PrizrenPress.
Policia i ka arrestuar të dyshuarit ndërsa arma është sekuestruar në cilësi të provës materiale.
Hetues policorë po punojnë për të zbardhur rrethanat e rastit dhe për t’i dhënë përgjigje pyetjes se çfarë po planifikonin këta të dyshuar të armatosur pas mesnate. /PrizrenPress.com