Kryetari i Malishevës, Ragip Begaj kërkon kthimin e shërbimeve me Prizren. Ai thotë se historikisht Malishevës i janë ërë disa padrejtësi.
“Malisheva shpeshherë është përballur me padrejtësi historike”.
“Tri herë u formua si komunë, dy here është shpërbërë”.
“Malisheva historikisht ka qen e lidhur me Prizren”, thotë Begaj për TV Besa, transmeton ‘PrizrenPress’.
Vitin e kaluar Komuna e Malishevës, përmes një shkrese zyrtare, ka kërkuar nga kryetari i Kuvendit, Kadri Veseli dhe kryeministri i Qeverisë, Isa Mustafa, që ta mbështesin KK të Malishevës lidhur e kërkesën e kryetarëve të fshatrave për ndalimin e kalimit të shërbimeve në Regjionin e Gjakovës dhe kthimin e tyre në regjionin e Prizrenit.
“Shikuar në prizmin historik, Komuna e Malishevës, ishte e lidhur me rajonin e Prizrenit, ne nuk kemi dhe nuk ndiejmë asgjë të keqe për rajonin e Gjakovës, por ne jemi të thirrur t’i mbrojmë interesin e qytetarëve në aspektin ekonomik, emocional, gjë që është vlerë demokratike të cilën ne duhet ta mbrojmë”./PrizrenPress.com/