Policia e Prizrenit ka njoftuar se të mërkurën në këtë qytet ka humbur jetën një njeri i moshës 50-vjeçe nga zjarri që kishte përfshirë shtëpinë e tij, në rrugën “Vatrat shqiptare”.
Sipas raportit policor, në momentin e shpërthimit të zjarrit në shtëpi kanë qenë katër persona. Tre nga ta ia kanë dalë të shpëtojnë, kurse 50-vjeçari ka humbur jetën.
Në vendin e ngjarjes kanë dalë të gjitha njësitet përkatëse të Policisë së Kosovës dhe zjarrfikësit.
Me urdhër të prokurorit publik, trupi i pajetë i viktimës është dërguar në Institutin e Mjekësisë Ligjore për obduksion./PrizrenPress.com/