9.6 C
Prizren
E premte, 2 Maj, 2025

AAK e Nisma bëjnë koalicion pa Vetëvendosjen

Aleanca për Ardhmërinë e Kosovës dhe Nisma për Kosovën do ta zyrtarizojnë të hënën koalicionin e tyre parazgjedhor njofton Klan Kosova

Klani ka mësuar se pjesë e këtij koalicioni nuk do të jetë edhe Lëvizja Vetëvendosje.

Edhe nënkryetari i Aleancës për Ardhmërinë e Kosovës, Ardian Gjini, që ishte mysafir në Info Magazine i ka konfirmuar bisedimet midis dy subjekteve.

“Shpresojmë se do ta formalizojmë një marrëveshje me Nismën. Besoj se shumë shpejtë do ta realizojmë”, ka thënë Gjini.

Diçka e tillë nuk është thënë se do të ndodhë edhe me Vetëvendosjen.

Problemet në bllokun opozitar kanë filluar kur tri partitë, Vetëvendosje, AAK e Nisma kishin vendosur të anulonin protestën e 26 marsit, të thirrur kohë më parë.

Gjini ka treguar se vendimi kishte ardhur njëanshëm nga Vetëvendosje dhe përkundër kundërshtimeve në fund AAK-ja kishte vendosur ta respektojë vendimin.

Thellimi i përçarjes ka vazhduar kur Aleanca për Ardhmërinë e Kosovës, si e vetme, vendosi të thërras protestë për datën 14 maj, të cilën Vetëvendosje nuk po e përkrahë.

Jo vetëm që nuk e kanë përkrahur, “por ata po thërrasin njerëzit që të mos dalin në protestë”, ka thënë Gjini.

Më Shumë

OVL-UÇK me thirrje për ndalimin e koncertit në Dragash me këngëtarë nga Serbia: Do detyrohemi të dalim në rrugë dhe ta ndalojmë këtë aktivitet...

Organizata e Veteranëve të Luftës së UÇK-së, Shoqata e Invalidëve të Luftës dhe Shoqata e Familjeve të Dëshmorëve shprehin shqetësimin dhe indinjatën më të...

Nga 1 maji pa kontrolle në kufirin Kosovë–Shqipëri

Nga data 1 maj, rikthehet në funksion marrëveshja për lëvizje të lirë në mes të pikave kufitare të Vërmicës dhe Morinës, e cila kishte...

Lajmet e Fundit