Mbrëmjen e së premtes, Bleona ishte e ftuar në “Zonë e lirë” përballë Arian Çanit, nga ku tregoi më shumë për jetën e saj, që nga sakrificat e fëmijërisë e deri tek jeta VIP e Hollivudit, nga kënga e saj e parë e deri tek projektet e së ardhmes me yjet më në zë të kinematografisë dhe diskografisë amerikane.
Mbrëmjen e së premtes, Bleona ishte e ftuar në “Zonë e lirë” përballë Arian Çanit, nga ku tregoi më shumë për jetën e saj, që nga sakrificat e fëmijërisë e deri tek jeta VIP e Hollivudit, nga kënga e saj e parë e deri tek projektet e së ardhmes me yjet më në zë të kinematografisë dhe diskografisë amerikane, shkruan revista Class. E gjendur përballë pyetjeve provokuese të Çanit, Bleona rrëfeu edhe detaje të jetës intime dhe marrëdhëniet me një prej aktorëve më të njohur të Hollivudit, protagonist i filmave aksion, Jean Claude Van Damme – lajm që u përhap me shpejtësi në të gjitha mediat dhe portalet online.
Por përpos gjithë hapësirës televizive dhe virtuale mbrëmjen e së premtes, pas Çanit, Bleona i është rikthyer shoqërisë me mikun e saj të ngushtë prej kohësh tashmë, Kastro Zizo. Ky i fundit, edhe kandidati i deklaruar publikisht për t’u martuar me të, ka qenë duke e pritur pas emisionit në një prej hoteleve më në zë në Tiranë.
Pas emisionit, Bleona i është gëzuar shoqërisë së Kastros, i cili, si gjithmonë, zgjedhjet i ka ndryshe nga të gjithë – me verë dhe me birrë. Ose, këtë dyzim e ka simbolik për të përfaqësuar veten dhe Bleonën: “Birra dhe vera — feeling cool at Carlsberg Terrace” – shkruan Kastro në profilin e tij.