Ministria e Forcës së Sigurisë së Kosovës ka njoftuar se ka ndërruar jetë oficeri i FSK-së, kapter Hiser Muja, i cili aktualisht po kryente punën e zëvendëskomandantit të togut të mbështetjes në kazermën “Skënderbeu” në Ferizaj.
Kapter Hiser Muja ka lindur me 04.02.1970 në Prizren, ku edhe ka qenë me vendbanim në lagjen “Alajdin Xhezairi”.
Muja ka qenë pjesëtar i Ushtrisë Çlirimtare të Kosovës në Zonën Operative të Pashtrikut, pjesëtar i Brigadës 125. Pas transformimit të UÇK-së në TMK, kapter Hiser Muja ka shërbyer në Zonën e Dytë Mbrojtëse në Brigadën 321.
Muja ka qenë i martuar dhe ka lënë prapa bashkëshorten dhe tre fëmijë, dy djem dhe një vajzë.
FSK nuk ka bërë të ditur shkaqet e vdekjes së tashmë pjesëtarit të saj të ndjerë, Hiser Muja.