Në rajonin verior të Rusisë, Karelia, kanë ndërruar jetë të paktën 10 fëmijë, pasi u zunë në det të hapur nga një stuhi e fuqishme në liqenin Syamozero.
Duke cituar kryebashkiakun e Moskës, Sergei Sobyanin, mediat shkruajnë se 10 fëmijët që kishin shkuar atje me pushime dhe ishin pikërisht nga Moska, tashmë mund të kenë humbur jetën.
Ndërsa ekipet e kërkim-shpëtimit kanë deklaruar për median ruse se të paktën 11 persona kanë vdekur, pa thënë moshën e tyre.
Sipas mediave ruse, viktimat kanë qenë pjesë e një grupi prej 49 personash, nga të cilët 11 janë shpëtuar deri më tani, ndërsa kërkimet vazhdojnë për 27 të tjerët.