Chelsea ka njoftuar se ka kompletuar transferimin e sulmuesit Michy Batshuayi nga Marseille, me të cilin ka nënshkruar kontratë pesë-vjeçare.
Sulmuesi 22 vjeçar bëhet transferimi i parë i trajnerit të ri Antonio Conte, që nga ky edicion drejton skuadrën nga Londra.
Batshuayi ka qenë pjesë e Belgjikës në Euro 2016, ku arriti të shënoi në debutim në prekjen e parë të topit në fitoren 4:0 ndaj Hungarisë.
“Jam i kënaqur që nënshkruaj me njërën nga klubet më të mëdha në Evropë dhe të fillojë një kapitull të ri në karrierën time. Unë besoj se mund ta ndihmojë Chelsean që të fitojë shumë trofe gjatë kohës sime në Stamford Bridge”, deklaroi Batshuayi për faqen zyrtare të klubit.
“Eden Hazard dhe Thibaut Courtois më kanë thënë shumë gjëra të mira për klubin, dhe tani që vjen Antonio Conte, është emocionale të bëhesh pjesë e Chelsea”, tha ai.