20 C
Prizren
E premte, 11 Korrik, 2025

Ragip Begaj shpallet i pafajshëm

 Gjykata Themelore në Gjakovë, e ka shpallur të pafajshëm kryetarin e Komunës së Malishevës, Ragip Begaj, në aktakuzën e ngritur nga Prokuroria Speciale, për “shpërdorim detyre”.

Këtë e ka konfirmuar avokati mbrojtës i Begajt, Emrush Kastrati, menjëherë pas përfundimit të gjykimit.

Sipas avokatit Kastrati, prokurori i Prokurorisë Speciale, Haki Gecaj, kishte ngritur aktakuzën dhe kishte kërkuar dënimin e kryetarit Begaj, mirëpo faktet dhe provat e ofruara nga ana e prokurorisë, lidhur me rastin e ish drejtorit të ShFMU “Ganimete Tërbeshi” ishin të pabaza dhe gjykata sot mori vendimin e drejtë, duke e shpallur të pafajshëm kryetarin e Komunës së Malishevës, Ragip Begaj.

Vlen të theksohet, se kryetari i Komunës së Malishevës, Ragip Begaj, ishte shumë bashkëpunues me organet e drejtësisë gjatë tërë procesit, nga fillimi e deri më tani, kur edhe është shpallur i pafajshëm lidhur me akuzën për shpërdorim të detyrës zyrtare. /PrizrenPress.com/

Më Shumë

Aksioni kundër fajdes në Prizren: Konfiskohen 5 mijë euro

37 vjeçari A.H., është arrestuar në flagrancë në aksionin policor që u zhvillua sot në Prizren. Ai dyshohet për dy vepra penale “Fajdeja” dhe “Organizimi...

Shkurorëzimet në Kosovë 2024: Prizreni kryeson me numrin më të madh të rasteve

Agjencia e Statistikave të Kosovës (ASK) ka publikuar të dhënat për shkurorëzimet në vend gjatë vitit 2024. Sipas raportit të ASK-së, gjatë këtij viti...

Lajmet e Fundit