Banorë të lagjes “Arbana” në Prizren po ballafaqohen drejtpërdrejt me persona të cilët po tentojnë të kryejnë vjedhje nëpër objekte banimi.
Para tri netëve, duke vërejtur lëvizjen e hajnave, një grup i këtyre banorëve kanë pasur një konfrontim fizik me katër hajna të cilët kishin tentuar të futen në një shtëpi për të kryer vjedhje.
Pas kacafytjes disa minutëshe, hajnat kishin dalur të ikin. Por, siç lajmërojnë banorë të kësaj lagje, mbrëmë rreth orës 22:00 në afërsi të rrugës së tranzitit sërish ka pasur një rast të tentim vjedhjes, me ç’rast fal organizimit të banorëve nuk është lejuar një gjë e tillë.
Banorët të vetorganizuar ia kishin dalur që ta kapin njërin nga personat që kishte tentuar të kryej vjedhje, dhe i njëjti më pas i është dorëzuar organeve policore. /TV Prizreni