Janë përkujtuar dëshmorët e kombit, Beamir Memaj, Nexhat Fanaj dhe Ajdin Rramanaj, në 18- vjetorin e rënies.
Kryetari i Prizrenit Ramadan Muja, tha se se UÇK-ja ishte dhe mbetet krenaria e kombit.
“Nga radhët e saj u flijuan bijtë dhe bijat më të mira në mesin e të cilëve radhiten edhe tre dëshmorët të cilët po i përkujtojmë sot me krenari”,tha Muja.
Ndërkaq, kryetari i degës së OVL të UÇK-së, Selim Krasniqi, tha se “në këtë ditë kur përkujtojmë bashkëluftëtarët e rënë në fshatin Buçe , Beamir Memaj dhe Nexhat Fanaj, dhe Ajdin Rramanajn në Grazhdanik, që u bënë themel i lirisë së vendit tonë ndjehemi krenar për veprat e tyre”
Nëna e dëshmorit Beamir Memaj, Fehmija dhe motra e dëshmorit Nexhat Fanaj, Milidija, me lot në sy thanë se në këtë përvjetor kanë dhimbje shpirtërore përplot mall, por njëkohësisht ndjehen edhe krenare për veprat e të afërmve të tyre që sot Kosova të jetë e lirë.
Ndërkaq,Andrimi i biri i dëshmorit, Bemair Memaj, kërkoi nga institucionet që të jetësojnë amanetin e të rënëve për liri për një shtet të zhvilluar dhe mirëqenie për të gjithë qytetarët .
Gjithashtu sot është përkujtuar edhe dëshmori, Ajdin Rrahmanaj, i cili kishte rënë në altarin e lirisë me 14.05.1999 në Grazhdanik, ndërkaq dëshmorët, Beamir Memaj dhe Nexhat Fanaj, kanë rënë heroikisht me 28.07.1998 në luftimet me forcat armike në malin e fshatit Buçe të Dragashit, gjatë tentimit për të futur armatim në Kosovë nga Shqipëria./TV Prizreni/
NË 18 VJETORIN E RËNIES HEROIKE, PËRKUJTOHEN DËSHMORËT BEAMIR MEMAJ, NEXHAT FANAJ DHE AJDIN RRAMANAJMe nderime, në 18. vjetorin e rënies, janë përkujtuar dëshmorët e kombit, Beamir Memaj, Nexhat Fanaj dhe Ajdin Rramanaj. Të pranishëm në varrezat e dëshmorëve në Landovicë ku prehën të qetë dëshmorët , Beamir Memaj, Nexhat Fanaj dhe Ajdin Rramanaj, ishin të pranishëm familjarë të tyre, miq, invalid e veteran të luftës , drejtues të degës së OVL të UÇK-së dhe kryetari i komunës së Prizrenit, Ramadan Muja me bashkëpunëtorë. Lidhur me përkujtimin e këtyre tre dëshmorëve, kryetari Muja, tha se se UÇK-ja ishte dhe mbetet krenaria e kombit, pasi që nga radhët e saj u flijuan bijtë dhe bijat më të mira në mesin e të cilëve radhiten edhe tre dëshmorët të cilët po i përkujtojmë sot me krenari. Kryetari i degës së OVL të UÇK-së, Selim Krasniqi, tha se në këtë ditë kur përkujtojmë bashkëluftëtarët e rënë në fshatin Buçe , Beamir Memaj dhe Nexhat Fanaj, dhe Ajdin Rramanajn në Grazhdanik, që u bënë themel i lirisë së vendit tonë ndjehemi krenar për veprat e tyre, theksoi ai. Ndërkaq,nëna e dëshmorit Beamir Memaj, Fehmija dhe motra e dëshmorit Nexhat Fanaj, Milidija, me lot në sy thanë se në këtë përvjetor kanë dhimbje shpirtërore përplot mall, por njëkohësisht ndjehen edhe krenare për veprat e të afërmve të tyre që sot Kosova të jetë e lirë. Ndërkaq,Andrimi i biri i dëshmorit, Bemair Memaj, kërkoi nga institucionet që të jetësojnë amanetin e të rënëve për liri për një shtet të zhvilluar dhe mirëqënie për të gjithë qytetarët . Gjithashtu sot është përkujtuar edhe dëshmori, Ajdin Rramanaj, i cili kishte rënë në altarin e lirisë me 14.05.1999 nga fshati Kobaj, ndërkaq dëshmorët, Beamir Memaj dhe Nexhat Fanaj, kanë rënë heroikisht me 28.07.1998 në luftimet me forcat armike në malin e fshatit Buçe të Dragashit, gjatë tentimit për të futur armatim në Kosovë nga Shqipëria….
Gepostet von Televizioni Prizrenit am Donnerstag, 28. Juli 2016