Një yll tjetër botëror do të vizitojë kryeqytetin shqiptar më 9 shtator. Pas Dua Lipës, Bebe Rexha është ajo që do të mbledhë sërish qindra njerëz në Sheshin Nënë Tereza, duke performuar për ta hitet e saj.
Koncerti është lajmëruar se do të mbahet në sheshin “Nënë Tereza” në Tiranë, nga ora 18:00 deri në 24:00 dhe në skenë bashkë me të do të performojnë edhe Fatboy Slim e HONNE.
Pak më parë Bebe ka postuar në profilin e saj të Instagramit posterin përkatës të koncertit dhe ka shkruar: “Shqipëri! Përgatitu! Tirana unë do performoj në 9 shtator!! Ju rujt zoti t’gjithve!”.