Kuvendari i LDK-së, Haziz Hodaj ka kërkuar nga Qeveria e Ramadan Mujës, që vitin e ardhshëm të mos fillon projekte të reja, pa i përfunduar projektet e mbetura në gjysmë.
Ai tha se kjo qeveri ka ndërtuar rrugicat ku jetojnë banorët e elektoratit të PDK-së, ndërkaq kanë mbetur në gjysmë rrugët ku jetojnë qytetarët që i përkasin partive tjera politike.
“Në projektbuxhet parashihet ndërtimi i objekteve të reja shkollore, kurse shumë shkolla kanë mbetur në gjysmë”, tha Hodaj. Ai përmendi mbetjen në gjysmë të ndërtimit të shkollës në Gjonaj të Hasit.
“Kjo shkollë do të bëjmë Muze e Qeverisë së Mujës, nëse nuk ndërtohet brenda vitit 2017-të”,tha Hodaj.
“Ky buxhet përfundimisht nuk duhet të votohet”, shtoi ai.
/PrizrenPress.com/