Drejtori i Qendrës Rajonale për Trashëgiminë Kulturore në Prizren Samir Hoxha, ka vizituar mullirin dhe hambarin e familjes së Misin Hasanit në fshatin Senik të Malishevës .
“Përkujdesi i vazhdueshëm i bacës Misin edhe përkundër moshës së shtyer ka ndikuar në ruajtjen e këtyre dy ndërtesave të trashëgimisë kulturore që ka treva e Llapushës, të cilat janë të vetmet që janë ruajtur në këtë fshat”, tha ai.
“Sipas të dhënave që na i dha gjatë rrëfimit të tij plaku Misin Jonuzi, rezulton se ndërtesa e mullirit është ndërtuar rreth viteve 1920-ta, ku funksioni i tij ishte në bluarjen e drithërave për nevojat përsonale por edhe për fshatrat për rreth”.
“E veçanta e këtij mulliri përveç historikut, ishte edhe ai i viteve të luftës së fundit 1998-1999, ku shumë banorë të kësaj treve kishin përmbushur nevojat e tyre me bluarjen e drithërave në rrethana lufte”.
“Gjithashtu në pronësi të kësaj familje është edhe hambari i rruajtjes së drithrave i ndërtuar rreth viteve 30-ta, i cili edhe pas kaq shumë vitesh është në gjendje tepër të mirë, si rezultat i kujdesit të vazhdueshëm të familjes e veçanërisht të bacës Misin”.
“Ndërtesat të shumta të trashëgimisë kulturore që gjendën anë e kënd territorit të Republikës së Kosovës, kërkojnë rritje të mbështetjes institucionale me qëllim të mbrojtës së vazhdueshme të aseteve të trashëgimisë që ka vendi ynë”./PrizrenPress.com/