Policia në Prizren, ka filluar sërish aksionin për largimin e veturave nga trotuaret përreth rrugëve kryesore të qytetit.
Zëdhënësi i Policisë Hazir Berisha, tha se ky aksion do të realizohet çdo ditë dhe është ndërmarrë edhe sipas kërkesave të qytetarëve, shoqatave të personave me aftësi të kufizuar dhe shoqërisë civile, për largimin e veturave nëpër trotuare.
“Po pengohet në masë të madhe lëvizja e qytetarëve”, tha Berisha.
Sipas tij, gjatë këtij aksioni përveç, shqiptimit të gjobave, do të bëhet edhe konfiskimi i automjeteve, që ata pronarët e tyre të vetëdijesohen dhe në të ardhmen t’i respektojnë ligjet në fuqi. /TV Prizreni/