34.7 C
Prizren
E mërkurë, 23 Korrik, 2025

‘50 poezi për borën’ në Prizren

Pasditen e së shtunës me fillim nga ora 17:00 nën Kalanë e Prizrenit, pranë Shatërvanit, do të mblidhen dashamirët e poezisë për mbrëmjen poetike “50 poezi për borën”, që organizohet në natën pas borës së parë, shkruan zeri.info.

Këtë vit ky festival dimëror i dedikohet shkrimtarit Konstantin Kavafit.

Siç njofton për Gazetën Zëri njëri nga organizatorët e kësaj ngjarje, Kushtrim Thaqi, në Prizren do të mblidhen poetët Donat Vatoci, Dhurata Hoti dhe Egzon Kryeziu.

Tre poetët do t’i recitojnë tri poezi të tyre, duke shtuar një poezi të shkrimtarit që i dedikohet ky edicion.

“50 poezi për borën” është një festival poetik internacional i cili mbahet një herë në vit, në natën pas borës së parë. Mbrëmja mbahet në vende të hapura dhe të errëta dhe puna që bëhet prej organizatorëve dhe poetëve është tërësisht vullnetare.

“50 poezi për borën” është krijuar në Zagreb, në vitin 2012 dhe prej atëherë është organizuar në nëntë qytete dhe shtatë shtete përfshirë këtu Austrinë, Armeninë, Kroacinë, Bullgarin, Finlandën, Francën, dhe Kosovën.

Festivali i parë jashtë Kroacisë është mbajtur në Prishtinë, në vitin 2015. Këtë vit ky festival është duke u organizuar në 15 qytete dhe 9 shtete të ndryshme. /Zëri/

Më Shumë

Policia kërkon ndihmën e qytetarëve për identifikimin e një të dyshuari për sulm në Prizren

Policia Rajonale në Prizren ka bërë thirrje publike për ndihmë në identifikimin e një personi të dyshuar për përfshirje në një rast të sulmit...

Policia shqiptoi për 24 orë, mbi dy mijë e 400 gjoba në trafik

Policia e Kosovës njofton se për 24 orë, ka shqiptuar 2456 gjoba në trafik. Sipas policisë, gjatë 24 orëve të fundit janë evidentuar disa aksidente...

Lajmet e Fundit