Rreth orës 01:55 minuta, policia e Stacionit Policor “Veriu” në Prizren kanë pranuar një informatë e cila bënte me dije se në Arbanë, një veturë është hapur duke përdor forcë me ç ‘rast janë vjedhur radio kasetofoni dhe zmadhues të zërit në vlerë rreth 800 euro, njofton kumtesa policore.
Pas informacionit një patrullë policore dhe polici hetues kujdestar, pasi i kishin hetuar të dyshuarit, përpiqen t’i ndalojnë por pa sukses ngase shoferi i dyshuar me automjetin e tij të llojit “Opel Astra” tenton ta përplasë policin.
Më pas, rreth orës 09:00, hetuesit kanë arritur t’i bien në gjurmë veturës së dyshuar dhe t’i arrestojnë të dyshuarit. Pas intervistës në prani të avokatit mbrojtës është informuar prokurori i cili ka urdhëruar masën e arrestit policor.
Vetura e dyshuar është sekuestruar. Sipas bazës së të dhënave të policisë, të njëjtit janë recidivist të veprave penale.