Policia në Prizren njofton për kapjen e një grabitësi, i cili po kërkohej që nga tetori i vitit të kaluar.
Pas një pune operative-taktike, dje, në rrugën “De Rada”, rreth orës 20:20 minuta, hetues rajonalë në rroba civile e kanë arrestuar D.
Bytyqin, i dyshuar për grabitje në bashkëveprim edhe me persona të tjerë, që pati ndodhur më 6 tetor të vitit 2016 pas mesnate, rreth orës 03:00, në rrugën “Hoxhë Tahsini” në Prizren, njofton policia.
I dyshuari kishte mundur të arratisej deri më tash, ndërsa të tjerët tanimë janë në paraburgim.
Pas arrestimit, i dyshuari është intervistuar në prani të avokatit mbrojtës dhe i njëjti i ka sqaruar rrethanat e rastit dhe rolin që kishte pasur në grupin e strukturuar. Ndaj tij, me urdhër të prokurorit, është aplikuar masa e arrestit.