Është shtyrë seanca e paraparë të mbahej të hënën në Gjykatën Themelore në Prizren, kundër të pandehurit A. H. i cili akuzohet për veprën penale “vjedhje të shërbimeve komunale”.
I pandehuri nuk ka pasur avokat të angazhuar në këtë seancë.
Gjyqtari i vetëm gjykues Refki Piraj, me kërkesë të përfaqësuesit të të dëmtuarit KEDS, ka shtyrë seancën, me arsye se matësi elektrik kishte qenë i dorëzuar në qendrën e kalibrimit.
A. H. akuzohet për “vjedhje të shërbimeve komunale” nga neni 320 i Kodit Penal të ri të Republikës së Kosovës, e cila dënohet deri me gjobë ose burgim deri në tre vjet./etimiperdrejtesi/