Prokurori i Prokurorisë Themelore në Prizren, Sefer Morina, të hënën, ka dhënë dorëheqje nga pozita e Prokurorit të Shtetit, për arsye personale dhe shëndetësore.
“Betimi për Drejtësi” ka provuar të kontaktojë me prokurorin Morina, por i njëjti nuk ka qenë i qasshëm.
Kryeprokurori i Prokurorisë në fjalë, Admir Shala, i kontaktuar nga “Betimi për Drejtësi” ka konfirmuar se prokurori i lartpërmendur ka paraqitur dorëheqjen.
“Prokurori Sefer Morina ka dhënë dorëheqje për shkaqe personale dhe shëndetësore” ka thënë Shala.
Ndryshe, Morina ishte prokuror në Departamentin e Krimeve të Rënda.