19.8 C
Prizren
E martë, 22 Korrik, 2025

CIMIC-u turk vizitoi spitalin e Prizrenit

Drejtori ekzekutiv i Spitalit të Përgjithshëm, Prof. Ass. Dr. Afrim Avdaj, të hënën, ka pritur në takim përfaqësues të CIMIK-ut, që vepron në kuadër të KFOR-it Turk, që udhëhiqej nga major, Mehmet Erkin Kara.

Drejtori Avdaj shprehu falënderimin dhe gatishmërinë e vazhdimit dhe forcimit të bashkëpunimit me KFOR-in turk dhe shtetin e Turqisë në përgjithësi, si një mike dhe përkrahëse e zhvillimit të Kosovës dhe popullit të saj.

Udhëheqësi i CIMIK-ut, major Mehmet Erkin Kara, ka përshëndetur në emër të gjithë ushtarëve turq që veprojnë në kuadër të KFOR-it për mikpritjen e popullit të Kosovës, duke shprehur përkushtimin për të ndihmuar popullin e Kosovës në fusha të ndryshme.

Në takim udhëheqësit e CIMIK-ut janë zotur se së shpejti në bashkëpunim me Spitalin e Prizrenit do të organizojnë një aksion për dhënien vullnetare të gjakut që do të jetë në shërbim të popullit të Kosovës.

KFOR-i turk, prej hyjes në Kosovë në vitin 1999, në vazhdimësi ka realizuar vizita në spitalin e Prizrenit dhe ka ndihmuar në forma të ndryshme, duke dëshmuar përkushtimin për të ndihmuar jo vetëm spitalin e Prizrenit, por popullin e Kosovës në përgjithësi./PrizrenPress.com/

Më Shumë

Malisheva drejt përfundimit të projektit të sheshit dhe parkingut nëntokësor

Në Malishevë, po shkon drejt përfundimit projekti i ndërtimit të sheshit dhe parkingut nëntokësor, i cili përfshin edhe vendosjen e sinjalistikës rrugore dhe vijëzimin...

Prizreni i përgatitur për rastet e kafshimeve nga gjarpërinjtë

Me shtimin e rasteve të paraqitjes së gjarpërinjve në zonat periferike dhe rurale të Prizrenit, Kujdesi Parësor Shëndetësor konfirmon se është i pajisur me...

Lajmet e Fundit