0.8 C
Prizren
E mërkurë, 15 Janar, 2025

Shpallet i pafajshëm ish-drejtori i Arsimit të Malishevës

Gjykata në Gjakovë konstatoi se nuk janë vërtetuar akuzat ndaj ish-drejtorit të Arsimit të Komunës së Malishevës, Blerim Thaçit.

Ish-drejtori i Arsimit i Komunës së Malishevës, Blerim Thaçi, është shpallur i pafajshëm në gjykimin për keqpërdorim të pozitës apo autoritetit zyrtar.

Gjykata në Gjakovë konstatoi se nuk janë vërtetuar akuzat ndaj Thaçit.

“I akuzuari Blerim Thaçi me shënime si në procesverbal lirohet nga akuza për veprën penale keqpërdorim i detyrës zyrtare pasi Gjykata nga provat e administruara nuk ka arritur që të vërtetojë dhe të konstatojë që i akuzuari në cilësinë e drejtorit të Arsimit ta ketë urdhëruar kompaninë apo ndërmarrjen “Arbëri” në Malishevë për kryerjen e punimeve para shpalljes së tenderit”, tha kryetari i trupit gjykues, Nikollë Komani.

Sipas aktakuzës së Prokurorisë Themelore të Gjakovës, Blerim Thaçi në cilësinë e drejtorit të Arsimit në Malishevë ka dhënë urdhër që të kryhen punimet për rrethimin e oborrit të Gjimnazit “Hamdi Berisha” në mars të vitit 2014, gjersa fituesi i tenderit është shpallur tek më 10 prill 2014 në web-faqen e Komisionit Rregullativ të Prokurimit Publik./kallxo.com/

Më Shumë

Hajnat në Malishevë vjedhin material të ndryshëm instalues elektrik

Policia ka njoftuar se persona të panjohur kanë kryer një vjedhje në fshatin Plloqicë të Malishevës. Në raport bëhet e ditur se persona të panjohur...

Komuna e Prizrenit ka hapur thirrjen për OJQ-të për ndërtimin e qendrës komunitare me kuzhinë popullore

Drejtoria e Punës dhe Mirëqenies Sociale në Komunën e Prizrenit ka shpallur thirrjen publike për organizatat joqeveritare që veprojnë në fushën e shërbimeve sociale...

Lajmet e Fundit