Kosova dhe Shqipëria sot do të luajnë ndeshjet e radhës në kualifikimet për Kupën e Botës ndaj Islandës përkatësisht Italisë
Kombëtarja e Kosovës sot do të zhvillojë ndeshjen e pestë në kualifikimet për Kupën e Botës, kur në Shkodër do të pres vikingët e Islandës.
Futbollistët tanë do të synojnë tre pikët e para në këto kualifikime, pas një barazimi dhe tre humbjeve.
Përzgjedhësi Albert Bunjaki për këtë ndeshje do të ketë mundësi më shumë, kur dihet se Kosovës i janë bashkuar edhe Besart Berisha, Dnis Avdijaj dhe Atdhe Nuhiu.
Ndeshja ndërmjet Kosovës dhe Islandës do të zhvillohet nga ora 20:45 në ‘Loro Boriçi’ të Shkodrës.
Në anën tjetër Kombëtarja e Shqipërisë do të ketë punë shumë më të vështirë, pasi në Palermo do të luaj ndaj katër herë kampionit të botës, Italisë.
Gianni de Biassi për këtë ndeshje ka shumë mungesa, pasi nuk luajnë portieri Etrit Berisha për shkak të suspendimit dhe Mërgim Mavraj dhe Berat Gjimshiti të lënduar.
Edhe kjo ndeshje zhvilloet nga ora 20:45. /Express/