Në organizim të FR të LDK-së në Prizren dhe organizatës Konrad Adenauer Shtiftung, të shtunën është mbajtur trajnimi se si duhet përdorur rrjetet sociale gjatë fushatës zgjedhore.
Anëtarja e kryesisë së FR të LDK-së në Prizren, Sara Hajzeri, tha se ky aktivitet informues ka një rëndësi të veçantë për njohuritë e nevojshme që duhet të kenë të rinjtë e këtij subjekti politik rreth përdorimit të rrjeteve sociale gjatë fushatës zgjedhore. Organizatorët ndjehen të kënaqur me interesimin që kanë shprehur të rinjtë e LDK-së në Prizren, për ta ndjekur këtë aktivitet.
Ndërkaq, anëtaret e organizmit rinor të LDK-së në Prizren, Ilirjana Ramadani dhe Vlora Gashi, e vlerësuan të rëndësishëm këtë aktivitet, pasi që sipas tyre janë marrë informacione tejet interesante për përdorimin efikas të rrjeteve sociale gjatë fushatave zgjedhore, trend ky që ka pushtuar Botën rreth çështjeve që kanë të bëjnë me informacione të ndryshme për opinionin e gjërë.
Kjo nuk është hera e parë që organizata Konrad Adenauer Shtiftung realizon aktivitete me të rinjtë e LDK-së në prag të mbajtjes së zgjedhjeve në Kosovë , qofshin ato në nivelin qendror apo lokal./TV Prizreni/