Zinedine Zidane ka thënë se është nervozuar shumë me mënyrën se si skuadra pësoi dy gola të shpejtë ndaj Leganes të mërkurën.
Lideri i ligës po udhëhiqte me tre gola epërsi pas 23 minutash lojë, për të pësuar dy gola të shpejtë para fundit të pjesës së parë.
Alvaro Morata kompletoi tregolëshin pas pushimit, për të thelluar dallimin, por Zidane nuk ishte i kënaqur me paraqitjen.
“E nisëm mirë, shënuam gola të shpejtë dhe e vendosëm rezultatin si donim ne. Por më vonë ata u përgjigjën, për shkak të mungesës së koncentrimit”.
“Kur kjo ndodhi isha i zemëruar. E lamë kundërshtarin të kthehet në lojë dhe kjo nuk duhet të ndodhë kurrë”.