Një prezantuese lajmesh mori vesh për vdekjen e bashkëshortit të saj në mënyrën më tragjike të mundshme. Ajo e dha lajmin e vdekjes së tij në transmetim direkt.
Supreet Kaur, prezantuese e kanalit IBC24, në Chhattisgard të Indisë kuptoi se bashkëshorti i saj ishte përfshirë në një aksident fatal automobilistik, teksa dolën detaje të reja rreth ngjarjes.
Sipas “Indian Express”, pavarësisht se mori lajmin e tmerrshëm, ajo vijoi të jepte lajmet edhe për 10 minuta të tjera derisa shpërtheu në lot dhe transmetimi u ndërpre.
Bashkëshorti i saj, Harshat Kaëade po udhëtonte me një makinë sëbashku me 5 persona të tjerë, kur u goditën nga pas nga një kamion. Përplasja ishte aq e fortë sa 3 prej tyre humbën jetën, ndërsa 2 të tjerët morën dëmtime të rënda./tvklan