Kryeministri i Kosovës Hashim Thaçi në vitin 2009, ka premtuar se do të investojë mbi 25 milion euro në rregullimin e Lumëbardhit të Prizrenit. “ Punimet do të fillojnë nga fshati më i lartë në Prevallë e deri tek dalja nga qyteti i Prizrenit. Punimet do të fillojnë shumë shpejtë dhe dot të mbështeten fuqishëm nga Buxheti i Kosovës dhe ai komunal. Ky projekt me të vërtet do të bëjë qytetin e Prizrenit edhe më të bukur dhe qytetarët do të kenë lakmi për të jetuar”, pat premtuar Thaçi në virin 2009.
Katër vjet pas premtimeve të Thaçit, gjendja në ujërat e Lumëbardhit të Prizrenit është alarmante dhe institucionet duhet të veprojnë me qëllim të ruajtjes së jetës në to, kanë bërë të ditur aktivistët e mjedisit që veprojnë në këtë qytet.
Osman Krasniqi nga shoqata e peshkatarëve “Drini i Bardhë” ka përkujtuar se civilizimi në Prizren ka filluar dhe është zhvilluar në saje të ekzistencës të ujërave në këto treva në të cilat aktualisht “ka jetë të ngordhur”
E kemi jetën e ngordhur në ujëra. Nuk po merret diçka për ndryshimin e kësaj gjendje .kanalizimit po derdhen drejtpërdrejt në lumë”, ka thënë Krasniqi për Koha Ditore.
Drejtori i Shërbimeve Publike në Prizren, Hasan Hasani javë më parë ka deklaruar se ekziston marrëveshja mes KFË gjermane , MMPH-së dhe Komunës së Prizrenit për investime të përbashkëta në projektin e ujërave të zeza nga shtrati i Lumëbardhit , në vlerë prej 23 milion euro. 