10.8 C
Prizren
E premte, 19 Prill, 2024

Të mërkurën fjala e prokurorit për rastin “Kleçka”

fatmirLimaj-tomGashi(E plotësuar) Trupi gjykues ka vendosur që të mërkurën, prokurori Mauricio Salustro, ta paraqesë fjalën e tij përfundimtare për rastin “Kleçka”. Po ashtu, trupi gjykues sot pas dite, pritet të vendos për heqjen ose jo të arrestit shtëpiak për Fatmir Limajn dhe të tjerët.

Në rast se prokurori Salustro do të arrijë ta përfundojë fjalën e tij të mërkurën, pastaj edhe pala mbrojtëse do të vazhdojë ta paraqesë fjalën e saj përfundimtare në ketë rast.

Përfundojnë provat në rastin “Kleçka”

Në seancën e sotme, kryetari i trupit gjykues, Malkolm Simons, ka përfunduar procedurat e provave në rastin “Kleçka”, ku janë të përfshirë Fatmir Limaj dhe nëntë ish-bashkëluftëtarë të tij.

Gjatë kësaj seance prokurori dhe pala mbrojtëse janë pajtuar që raportet psikiatrike të ekspertëve lidhur me gjendjen psikike të dëshmitarit “X” të merren si të lexuara. Trupi gjykues ka dhënë pauzë deri në orën 12:45, ku pastaj pritet të vendoset se kur do të vazhdohet me fjalën përfundimtare në rastin “Kleçka”.

Gashi: Limaj do të shpallet i pafajshëm

Avokati Tomë Gashi ka bërë me dije për “Epokën e re” se sot, në orën 10:00 do të vazhdojë procesi gjyqësor në rastin “Kleçka”, në të cilin janë të përfshirë Fatmir Limaj dhe nëntë ish-bashkëluftëtarë të tij. Sot, trupi gjykues i Gjykatës së Apelit pritet të vendosë për leximin e raporteve të ekspertëve britanikë lidhur me analizimin e gjendjes psikike të të ndjerit Agim Zogaj, i njohur si dëshmitari “X” .

“Mbrojtja e Limajt pret që rasti të përfundojë në shtator. Mendojmë se Limaj ka vuajtur mjaft nga sistemi selektiv i drejtësisë. Po ashtu, mendojmë se sistemi i drejtësisë është mjaft i politizuar”, ka thënë Gashi, duke shtuar se procesi gjyqësor ndaj Limajt në rastin “Kleçka” është stërgjatur pa nevojë. Gashi ka thënë se në këtë muaj do të përfundojë ky proces gjyqësor, ku Limaj do të shpallet i pafajshëm.

Përveç Limajt, në rastin “Kleçka” janë të përfshirë edhe: Arben, Naser e Nexhmi Krasniqi, Behlul Limaj, Refki Mazreku, Naser, Sabit e Shaban Shala si dhe Besim Shurdhaj. Vitin e kaluar Gjykata e Qarkut në Prishtinë, tani e Apelit, kishte shpallur të pafajshëm të gjithë të akuzuarit për rastin “Kleçka”. Po të njëjtin vit Gjykata Supreme kishte marrë vendim ta kthejë komplet në rigjykim rastin “Kleçka.

Më Shumë

Zbulohet emri i vajzës së Luizit dhe Kiarës, ja detaji që nuk u shpëtoi fansave

Luizi dhe Kiara do të bëhen prindër për herë të parë. Moderatorja është në ditët e fundit të shtatzanisë, ndërsa ditën e djeshme çifti...

Latifi: Kosovës i duhet ndihma profesionale, jo `dyqanet e kirurgjisë`

Kirurgë shqiptarë në mërgatë do ta ndihmojnë Kosovën dhe shëndetësinë e saj, përmes Kolegjit të Kirurgëve të Kosovës. Kryetari i këtij kolegji Dr. Rifat...

Lajmet e Fundit