Policia e Kosovës ka arrestuar një femër në Prizren, pasi kishte mashtruar disa persona kinse për aranzhime të takimit me viktimën femër të kombësisë shqiptare, e cila nuk ka pasur njohuri për këto veprime të dyshuarës.
Në raportin 24 orësh të Policisë së Kosovës thuhet se arrestimi është bërë pas një pune operative hetimore, shkruan PrizrenPress.
“Pas një pune operative hetimore dhe me urdhër të prokurorit është arrestuar e dyshuara femër K-Shqiptar pasi që e njëjta në vazhdimësi ka mashtruar persona të ndryshëm (meshkuj) kinse për aranzhime të takimit me viktimën femër K-Shqiptare, e cila nuk ka pas njohuri fare për këto veprime të dyshuarës”, thuhet në raport.
Me urdhër të prokurorit e dyshuara dërgohet në mbajtje. /PrizrenPress.com/