Rinia Demokratike e Kosovës dega në Prizren, sot mbajti një tryezë me të rinjtë e saj për nder të Ditës së Evropës.
Kryetari i RDK-së, Shkodran Kryeziu, tha se kjo tryezë synon që nga afër t’i njoftoj të rinjtë për proceset integruese të shtetit të Kosovës drejtë Bashkimit Evropian. Me rëndësi të veqantë sfidat të cilat e përcjellin këtë proces dhe përfitimet të cilat vijnë pas integrimit të vendit tonë në familjen europiane.
“Mbi të gjitha, kjo ditë është e rëndësishme për rininë tonë, pasi që në një të ardhme të afërt, të gjithë ne të rinjtë e Republikës së Kosovës do jemi ata që do e gëzojmë këtë festë duke qenë pjesë e familjes shumëkombëshe Evropiane”, tha Kryeziu.
“Angazhimi i rinisë do ketë një rol të veçantë në jetësimin e aspiratave tona drejt një të ardhme më të mirë, me prosperitet dhe për lëvizje të lirë në vendet e Evropës mike”, thotë ai. /PrizrenPress.com/