Një zyrtare policore në Prizren dje është kanosur nga një person i gjinisë mashkullore.
Policia ka bërë të ditur se i dyshuari e kishte kanosur për arsye se para dy muajve zyrtarja policore ia ka shqiptuar një tiketë për kundërvajtje në trafik, shkruan PrizrenPress.
“Zyrtarja policore jashtë detyrës zyrtare, ka qenë me veturë private në rrugë në lëvizje, ku është kanosur nga i dyshuari mashkull K/Shqiptar, i cili ka tentuar ta hapë derën e veturës. I dyshuari e kishte kanosur për arsye se para dy muajve zyrtarja policore ia ka shqiptuar një tiketë për kundërvajtje në trafik”, thuhet në raportin 24 orësh të Policisë së Kosovës.
Me urdhër të prokurorit është kontrolluar vetura e të dyshuarit, aty është gjetur substancë narkotike e cila konfiskohet së bashku me veturën e të dyshuarit.
Ndërsa i dyshuari gjendet në arrati. /PrizrenPress.com/