21.6 C
Prizren
E martë, 29 Korrik, 2025

Avdullah Hoti në Gjonaj të Hasit: Hasi do të mbetet “bastion” i LDK-së

Kandidati për kryeministër nga Lidhja Demokratike e Kosovës (LDK), Avdullah Hoti, ka thënë se Kosova duhet të ketë një kuvend funksional, dhe jo që ka probleme e pengohet nga gazi lotsjellës.

“Nuk mundemi me mbetë vrimë e zezë në Ballkan. Brukseli nuk është ai në të cilin duhet të ankohemi. Por, janë politikanët e Kosovës ata që duhet të ndërrohen”, ka thënë Hoti.

Ai i ka bërë komentet gjatë një takimi me banorë të fshatin Gjonaj të Hasit, në vazhdim të fushatës për zgjedhjet e 11 qershorit.

Hoti ka thënë se është me fat që i prin listës së një partie e cila ekziston e vepron qe 27 vjet.

Në bashkëbisedime me banorët, Hoti ka shprehur besimin se Hasi do të mbetet “bastion” i LDK-së.

“Hasi do të na mbështes në rrugëtimin tonë, njëjtë sikurse Rugovën, sepse tashmë LDK-ja është bashkë dhe tash e dy vite kemi kryer shume punë”.

“Ne kemi përgatitur një program, ku zënë vend nga fëmijët e deri tek pleqtë”, ka theksuar Hoti.

Sipas tij, programi i LDK-së ofron zhvillim ekonomik, mirëqenie e luftë kundër korrupsionit, integrim në BE dhe NATO, ashtu siç e ka thënë vazhdimisht presidenti historik, Ibrahim Rugova.

Hoti është zotuar se LDK-ja do të qeverisë me “duar të pastra”./ekonomiaonline/

Më Shumë

Mot përvëlues, temperaturat deri në 39 gradë

Instituti Hidrometeorologjik bën të ditur se sot në Kosovë do të mbajë mot me diell dhe vranësira të shpërndara, të cilat mund të sjellin reshje të...

Në Rahovec nis asfaltimi i rrugës me katër korsi në drejtim të Fortesës

Komuna e Rahovecit ka njoftuar se sot, më 23 korrik, nga ora 03:00 e mëngjesit, do të fillojë asfaltimi i rrugës me katër korsi...

Lajmet e Fundit