Lideri i Nismës, Fatmir Limaj, ka kërkuar nga banorët e fshatit Korishë, që në zgjedhjet e 11 qershorit, të votojnë koalicionin PDK, AAK dhe Nisma.
“Me 11 qershor vendi ynë do të vendosë për orientimin e ardhshëm. Kosova, ka një rast për prosperitet dhe se oferta më shpresëdhënëse për këtë, është ky koalicion”, tha Limaj në Korishë të Prizrenit.
Kandidati për deputetë Zafir Berisha, ndërkaq kërkoi mbështetjen projektit NISMA.
“Zgjedhjet e tanishme parlamentare, padyshim se do të reflektojnë në fitoren e madhe të NISMA-s në tetor, ku përfundimisht Prizreni do të qeveriset nga ne”, tha Berisha.
Banorët e fshatit Korishë, ndërkaq, kanë premtuar se në zgjedhjet e 11 qershorit, do t’i votojnë kandidatët e Nismës.
