Rektori i Universitetit “Ukshin Hoti” në Prizren, Prof. Dr. Ramë Vataj të enjten ka pritur në vizitë një delegacion nga Shteti i Iowa-s në SHBA, përkatësisht nga Universiteti Drake, znj.Janet McMahill- Dekan e Universitetit, z.Matthew Hayden, znj.Annique Kiel si dhe Presidenti i DMACC z.Rob Denson.
Rektori Vataj i njoftoi mysafirët për të arriturat dhe sfidat e universitetit. Ai theksoi se UPZ ka një bazë të mirë pasi që Prizreni ka traditë të gjatë në arsimin e lartë dhe kësisoj për një kohë relativisht të shkurtër është bërë mjaftë atraktivë për studentë duke arritur në 15 mijë numri i të regjistruarve që nga viti 2010 kur ka nisë punën. Rektori Vataj po ashtu vëri në spikamë faktin që në UPZ përpos në gjuhën shqipe mësimi zhvillohet edhe në gjuhën turke dhe boshnjakë në disa drejtime. Ai po ashtu vëri në pah se në kuadër të Fakultetit të Filologjisë është edhe departamenti i Gjuhës Angleze dhe Departamenti i Gjuhës Gjermane.
Rektori Vataj bërë të ditur se UPZ ka bashkëpunim me shumë universitete nga Turqia, Evropa edhe Amerika dhe se është i rëndësishëm dhe i mirëseardhur bashkëpunimi me Universitetin e Ioëas. Ndërkaq, Prof. Ass. Dr. Sejdi Sejdiu shef i departamentit të Gjuhës Angleze prezantoi të arriturat dhe sfidat e këtij departamenti. Kurse shefja e departamentit të Gjermane Prof. Ass. Dr. Kimete Canaj, theksoi se është e mirëpritur ndarja e përvojave mes dy universiteteve dhe mbështetja e UPZ-së në prekatitjen e stafit në aspektin e metodologjisë së mësimdhënies, etj.
Përfaqësuesit e Universiteti Drake, znj.Janet McMahill- Dekane e Universitetit, z.Mattheë Hayden, znj.Annique Kiel si dhe Presidenti i DMACC z.Rob Denson, falënderuan Rektorin Vataj për mikpritjen dhe u fascinuan me zhvillimin dhe diversitetin që karakterizon këtë universitetit duke u shprehur të hapur për mundësinë e konkretizimit të bashkëpunimit në suaza të mundësive në të ardhmen.