Kandidati për kryetar komune, Shaqir Totaj, gjatë ditës së sotme takoi shoqatat e ndryshme si ajo e pensionistëve, e autizmit, me Sindrom Down, Strehimorja e qytetit, zejtarët dhe Esnafi.
Pos prezantimit të programit qeverisës, Totaj premtoi përkrahje të fuqishme për këto kategori si kryetar i ardhshëmi i komunës së Prizrenit. Kandidati Totaj para të pranishmëve paraqiti edhe platformën e tij, ku theks i veçantë do të jetë trajtimi i këtyre kategorive dhe rritja e mirëqenies sociale.
Të pranishmët adresuan disa kërkesa, ku morën zotime nga kryetari i ardhshëm i komunës së Prizrenit, të cilat gjatë mandatit të tij katërvjeqar do të jenë pika tejet të rëndësishme në qeverisjen lokale.