Kitara e këngëtarit të famshëm, Prince, e cila është përdorur në fund të viteve 1980 dhe në vitet 1990 është shitur në një ankand për 700.000 dollarë, transmeton Klan Kosova.

Shtëpia e ankandit “Julian” kanë deklaruar se ky ishte çmimi më i lartë për një kitarë të artistit të ndjerë.

Siç ndodh në ankande të tilla blerësi nuk identifikohet.

Vlera e kitarës së tij të kaltër, “Cloud” ishte vlerësuar ndërmjet 60.000 dhe 80.000 dollarë, mirëpo është shitur për një shifër shumë më të madhe.

Për 102.000 dollarë janë shitur dorëzat bardhezi, të cilat kanë qenë në pronësi të Michael Jacksonit.