I pari i PDK-së Kadri Veseli gjatë një tubimi në Prizren ka premtuar tre milionë euro investime për Qendrën Historike në këtë komunë.
Ai i ka ofruar mbështetje kandidatit të kësaj partie Shaqir Totaj.
Ky i fundit ka prezantuar projektet urbanistike të programit të tij qeverisës, ku ndër të tjera janë parashikuar tre parkingje të reja.
Ky është postimi i plotë i Veselit:
Si qytet historik, Prizreni ka shumë mundësi që ta zhvillojë turizmin. Kryetari Shaqir Totaj do ta shndërrojë Qendrën Historike në hapësirë atraktive për turistë. Në tri hyrje-daljet e Prizrenit, për ta çliruar trafikun, ai do të ndërtojë edhe parkingje e parqe të reja, përfshirë edhe hapësirat për çiklistë. Një është e sigurt, Shaqir Totaj do ta zbukurojë edhe më shumë Prizrenin.