Burim Ahmetaj nga Qendra e Numërimit të votave ka paraqite raportin në mbledhjen e KQZ-së.Ai ka thënë se në këtë qendër janë duke u procesuar votat. Ahmetaj ka thënë se deri më tani janë procesuar 98 për qind e formularëve.
Pas kësaj ka thënë se do të procesohen votat me kusht dhe ato me postë.Sipas tij, do duhet edhe dita e nesërme për t’i procesuar të gjitha votat. Ahmetaj po ashtu ka bërë të ditur se deri tani janë anuluar 22 zarfe të votimit me kusht në 8 vendvotimet në të cilat nuk ka pasur nënshkrim të votuesve në listë, raporton lajmi.net.
Në Prizren ka shkuar në rinumërim votash një vendvotim. .KQZ-ja ka miratuar raport të prezantuar nga Ahmetaj në bazë të të cilit anulohen 22 zarfe të votimit me kusht dhe një vendvotim shkon ne rinumerim.Vendvotimi që do të shkojë në rinumërim është 20008a/01R.