Në sallën e Kuvendit të Komunës së Mitrovicës është realizuar mbledhja e radhës në mes të asamblistëve të fëmijëve nga qyteti i Prizrenit dhe qytetit të Mitrovicës.
Asambleja Komunale e Fëmijëve është organ legjitim i përfaqësimit të fëmijëve në vendimmarrje në nivel lokal dhe ambient ku vazhdimisht promovohen liritë dhe të drejtat e fëmijëve.
Qëllimi i këtij takimi kishte të bëjë kryesisht me shkëmbimin e përvojave të tyre me ç’rast u njoftuan nga afër me sfidat të cilat po përballen të dy asambletë dhe njëkohësisht u diskutua për realizimin projekteve të përbashkëta për vitin e ardhshëm.
Fillimisht hapjen e diskutimit e bëri koordinatori i Njësisë për të Drejta te Njeriut nga Komuna e Mitrovicës, Fitim Rama, i cili përgëzoj asamblistët e rijnë nga të dy qytetet për këtë iniciativë e cila do të shërbej si urë lidhëse ne shkëmbim të përvojave.
Ndërsa në fjalën e tij kryetari i Asamblesë së Fëmijëve në Komunën e Mitrovicës, Irfan Peci, pasi falënderojë mysafirët nga Prizreni për shkëmbimin e ideve dhe mundësive bashkëpunuese për të ardhmen, u zotuar që vazhdimisht do të punohet që të promovohen liritë dhe të drejtat e fëmijëve.