Organet e drejtësisë në Prizren kanë vlerësuar se gjatë vitit të kaluar kanë dëshmuar përkushtim në trajtimin e lëndëve të korrupsionit kundër zyrtarëve të ndryshëm publikë.
Mirëpo, statistikat e këtyre organeve po ashtu tregojnë se në 9 raste ka pasur aktgjykime me burgim, derisa dënimet e tjera kanë qenë me gjoba ose alternative, dhe se në 9 raste aktgjykimet kanë qenë liruese, shkruan sot Koha Ditore.
Kryetari i Gjykatës Themelore të Prizrenit, Ymer Hoxha, ka bërë të ditur se lëndët e natyrës korruptuese janë trajtuar me prioritet absolut nga kjo gjykatë, në përputhje me qëndrimin e Këshillit Gjyqësor të Kosovës..