21.6 C
Prizren
E enjte, 15 Maj, 2025

Masakra në Florida, vrasësi u përjashtua pas grindjes me ish-të dashurën

Autori i masakrës në Florida, ku vra me armë zjarri 17 persona, ishte përjashtua nga autoritetet shkollore pas një grindjeje me ish-të dashurën e tij dhe ndoshta për këtë shkak, është kthyer me një pushkë dhe ka hapur zjarr, duke ekzekutuar dhe plagosur me dhjetëra të pafajshëm.

Mediat amerikane, raportojnë se Cruz ishte i fiksuar pas vajzës, me të cilën në të shkuarën kishte qenë mjaft i dhunshëm dhe pas përjashtimit nga shkolla kishte nisur ta përndiqte.

Cruz, 19 vjeç, duket se është larguar nga vendngjarja duke u ngatërruar mes studentëve që përpiqeshin t’i largoheshin ngjarjes tragjike, por u arrestua vetëm pak kilometra larg, e tashmë është në paraburgim.

Por cila është përmbajtja e paralajmërimit? Mësuesi i matematikës, Jim Gard i ka thënë “Miami Herald” se autoritetet e asaj shkolle u kishin dërguar “e-mail”-e mësuesve mbi sjelljen e çuditshme të Cruzit.

“Jemi njoftuar vitin e kaluar se ai nuk ishte lejuar në kampus me një çantë shpine me vete”, tha Gard. “Kemi pasur probleme me të vjet, pasi kishte kërcënuar studentët dhe besoj se i është kërkuar që të largohej nga kampusi”.

Mbi çështjen ka ndërhyrë edhe presidenti Trump, i cili në një “tweet” ka pohuar: “Ka shumë sinjale që konfirmojnë se vrasësi i Floridas kishte probleme psikike, deri sa është edhe përjashtuar nga shkolla për sjellje të keqe. Fqinjët dhe shokët e tij të klasës, e dinin se ishte kthyer në një problem të madh. Këto raste duhen sinjalizuar gjithnjë tek autoritetet”.

Më Shumë

Studentët e Universitetit ‘Ukshin Hoti’ vizitojnë Gjykatën e Prizrenit, njihen me punën e përditshme

Kryetarja e Gjykatës Themelore në Prizren, Shpresa Emra, dhe gjyqtari Sami Gashi pritën sot në vizitë studentët e Fakultetit Juridik nga Universiteti “Ukshin Hoti”....

Pagoi 18 mijë euro kamatë për shkak të një borxhi prej 7 mijë euro, ngritet aktakuzë ndaj dy personave për fajde e kanosje

Prokuroria Themelore në Prizren të hënën ka njoftuar se ka ngritur aktakuzë kundër dy të pandehurve, ku i pari dyshohet për veprat penale të...

Lajmet e Fundit