Pas deklaratës së kryeministrit të Shqipërisë, Edi Rama një ditë më parë për president të përbashkët Kosovë-Shqipëri, si simboli më i mirë i një uniteti mes dy vendeve, ka ardhur reagimi i Princit Leka.
Ai përmes një postimi në Facebook, ka thënë se Bashkimi Kombëtar, është ëndrra dhe përpjekja e Familjes Mbretërore.
Kjo sipas tij, do të ishte logjika e stabilitetit real mes Kosovës dhe Serbisë.
Postimi i Princit Leka në Facebook:
Bashkimi Kombëtar ka qenë, është dhe do të jetë ëndrra dhe përpjekja e Familjes Mbretërore brez pas brezi, madje edhe kur nuk guxonte askush tjetër ta artikulonte! Realizimi arrihet me Kurorën Mbretërore në dy shtete si simbol i këtij uniteti. Kjo do të ishte logjika e stabilitetit real, traditës dhe prosperitetit të vërtetë, siç e sugjerojnë shembujt e padiskutueshëm të suksesit në vendet më të zhvilluara.